एजेन्सी । उत्तरी इराकमा आइस विद्रोहीहरुले हत्या गरेर गाडेका ६ सयभन्दा बढी व्यक्तिहरुको शव निकालिएको इराकी अधिकारीहरुले बताएका छन् । राजधानी बग्दादमा आयोजित पत्रकार सम्मेलनमा बोल्दै इराकी मानवअधिकार मन्त्री मोहम्मद अल बायातीले सो जानकारी दिएइको अन्तर्राष्ट्रिय सञ्चारमाध्यमले जनाएका छन् । मन्त्री बायातीका अनुसार यो शंख्या अझै बढ्न सक्नेछ । एक वर्षअघि टिक्रिट सहर आइएसले कब्जा गरेपछि एयर फोर्समा भर्खर भर्ना भएका युवाहरुको हत्या गरेर शवहरु गाडेको हुन सक्ने बताइएको छ ।
