जेठ २९, एजेन्सी ।
वर्षाले बारम्बार अवरुद्ध बंगलादेश बिरुद्धको एकमात्र टेष्ट क्रिकेटको तेस्रो दिनको खेलमा ईण्डियाले खराव प्रदर्शन गरेको छ ।
बिना क्षति २ सय ३९ रनबाट आजको खेल थालेको ईण्डियाले पहिलो सत्रमै तीन विकेट गुमाएको छ । शिखर धवन १ सय ७३ रनमा आउट भए भने कप्तान बिराट कोहली १४ र रोहित शर्माले ६ रनमा पवेलियन फर्के । सकिब अल हसनले २ र जुबैर हुसेनले एक विकेट लिए । मुरली विजय सतक पुरा गरी क्रिजमा छन् भने उनलाई अजन्क्या रहानेले साथ दिईरहेका छन् ।
फतुल्लाहमा टस जितेर ब्याटिङ्ग गरेको ईण्डियाले पहिलो दिन ५६ ओभरमा बिना क्षति २ सय ३९ रन जोडेपछि बर्षाका कारण खेल हुन सकेको थिएन ।
