जेठ २९, एजेन्सी ।
ईङ्ल्याण्ड र न्युजिल्याण्डबीचको दोस्रो वन डे क्रिकेट आज हुदैछ । ५ म्याचको सिरिजमा ईङ्ल्याण्ड १–० ले अघि रहेकाले किबिज टोली आजको खेल जित्दै सिरिज बराबरीमा ल्याउन चाहान्छ भने ईङ्ल्याण्ड बिश्वकप क्रिकेटमा गरेको प्रदर्शन भुलाउने दाउमा छ । खेल नेपाली समय अनुसार साँझ पौने ६ बजे लण्डनमा हुनेछ ।
यता, वेष्टईण्डिज बिरुद्धको दोस्रो टेष्ट क्रिकेटमा अष्ट्रेलियाले गतिलो सुरुवात गरेको छ । जमैकामा टस हारेर ब्याटिङ्ग गरेको पाहुना टोली अष्ट्रेलियाले पहिलो दिनको खेलको समाप्तिमा ४ विकेट गुमाई २ सय ५८ रन जोडेको छ । पहिलो ओभरमा नै डेभिड वार्नरलाई शुन्य रनमा गुमाएको अष्ट्रेलियाले १६ रन जोड्दा सन मार्स ११ रनमा पवेलियन फर्केका थिए । स्टेभन स्मिथ र कप्तान माईकल क्लार्कले कंगारु ईनिङ्गस् उकासेका हुन् । स्मिथ १ सय ३५ रनमा नटआउट छन् भने क्लार्क ४७ रनमा आउट भए । यस्तै एडम भोग्स ३७ रनमा पवेलियन फर्के । सेन वाट्सन २० रनमा क्रिजमा छन् । जेरोमी टेलरले ३ र जासन होल्डरले एक विकेट लिएका छन् । २ म्याचको सिरिजमा अष्ट्रेलिया १–० ले अघि छ ।
