क्रान्ति साह, वीरगञ्ज ।
गर्मी अत्याधिक बढेपछि पर्साका सम्पूर्ण सामुदायिक तथा नीजी विद्यालयहरु चार दिनका लागि बन्द गरिएको छ । गर्मीका कारण विधार्थीहरुलाइ पठन पाठनमा समस्या भएपछि पर्साका सबै विद्यालय आज देखि शुक्रबार सम्म चार दिनका लागि बन्द गरिएको पर्साका जिल्ला शिक्षा अधिकारी बरखु प्रसाद रजकले बताउनु भयो । पर्सामा कृयाशील शिक्षक सम्बद्ध विभिन्न संघसंगठन , अभिभावक संघ तथा प्याब्सन र एन प्याब्सनको आग्रहमा चार दिनका लागि विद्यालयहरु बन्द गरिएको उहाँले जानकारी दिनु भयो ।
जेठको अन्तिम साता देखि नै पर्सा, बारा लगायतका जिल्लाहरुमा अत्याधिक गर्मी र चर्को घामका कारण जनजीवन नै अस्तव्य बनेको छ । बाराको सिमरा विमानस्थलमा रहेको मौसम पुर्वानुमान महाशाखाको सिमरा फिड कार्यालयका अनुसार दुइ साता देखि वीरगन्ज लगायतको आसपासको क्षेत्रको तापक्रम ४० डिग्रि सेल्सियसको हाराहारीमा रहेको छ ।
