कोटेश्वरको दुर्घटनामा प्रहरी जवानको मृत्यु \ ३ प्रहरी सहित ५ जना घाईते

काठमाडौं, २५ जेठ ।
राजधानीको कोटेश्वरमा गएराती भएको सवारी दुर्घटनामा प्रहरी जवान बालकुमार कर्णको मृत्यु भएको छ । ३ जना प्रहरी सहित ५ जना घाईते भएका छन् ।
तीनकुनेबाट जडीबुटी तर्फ जादै गरेको बा ४८ प ८७५० नम्बरको मोटरसाईकल अनियन्त्रित भई कोटेश्वरस्थित आर्मी ब्यारेक अगाडि दुर्घटना भएको प्रहरी परिसर हनुमानढोकाका प्रवक्ता एसपी बिश्वराज पा्ख्रेलले जानकारी दिनुभयो । दुर्घटनामा गंभिर घाईते मोटरसाईकलमा पछाडि बसेका प्रहरी बृत्त जगातीमा कार्यरत कर्णको उपचारका क्रममा मीनभवनस्थित निजामती कर्मचारी अस्पतालमा राती साढे १२ बजे मृत्यु भएको हो । मोटरसाईकल चालक अर्का प्रहरी जवान मानबहादुर महतोको गंभिर अवस्थामा वीरअस्पतालमा उपचार भईरहेको छ ।

दुर्घटनामा उद्धारका लागि कोटेश्वरबाट गएको प्रहरी टोलीलाई बा २१ प ४२५० नम्बरको मोटरसाईकलले ठक्कर दिदा अन्य ४ जना घाईते भएका छन् । मोटरसाईकलको ठक्करबाट हवल्दार मन्दिपकुमार पटेल र जवान बिकास सापकोटा गंभिर घाईते भएको एसपी पोख्रेललृे बताउनुभयो । वीरअस्पतालमा उपचार भईरहेको उनीहरुमध्ये हवल्दार पटेलको अवस्था गंभिर रहेको प्रहरीले जनाएको छ । मोटरसाईकल चालक असनका रमेशकुमार शाही र विनय रम्तेल घाईते भएका छन् । उनीहरुको अवस्था भने सामान्य छ ।