जेठ २५, एजेन्सी ।
स्विजरल्याण्डका स्टेनिसलस वावरिन्काले पहिलो पटक फ्रेन्च ओपन टेनिसको उपाधि जितेका छन् । शीर्ष बरियाताका नोभाक जोकोभिचलाई ३–१ को सेटमा पराजित गर्दै ३० बर्षिय वावरिन्काले पहिलो पटक उपाधि उचालेका हुन् । पछिल्लो २५ बर्षयता फ्रेन्च ओपनको उपाधि जित्ने उनी सवैभन्दा बढी उमेरका खेलाडि समेत बनेका छन् ।
पहिलो सेट ४–६ ले गुमाएपनि बाँकी सेटमा उत्कृष्ट पुनरागमन जनाउँदै आठौं बरियाताका वावरिन्काले सर्बियन जोकोभिचलाई स्तब्ध पारे । बाँकी सेट ६–४, ६–३ र ६–४ ले आफ्नो पक्षमा पार्दै वावरिन्काले जोकोभिचको २८ खेल लामो अपराजित यात्रामा समेत पूर्ण बिराम लगाए ।
महिला एकल तर्फको उपाधि भने गत शनिवार नै अमेरिकी सेरेना विलिएम्सले जितेकी थिईन् ।
