रामबाबु यादव, सिराहा ।
हत्या गरी झुड्याको अवस्थामा सिरहाको गोलबजार नगरपालिका–६ मा एक युवकको शव फेला परेको छ । स्थानीय रेशवहादुर श्रेष्ठका २२ वर्षीय छोरा विमल श्रेष्ठको शव रुखमा झुड्याइएको अवस्थामा आज विहान फेला परेको हो । उनको शरिरभरी रगतका लत्पतिएको प्रहरीले जनाएको छ । उनको देवे्र हातको नाडी काटीएको छ भने घाँटीबाट पनि रगत बगेको छ । हत्या भएको स्थान इलाका प्रहरी कार्यालयबाट दुईसय मिटरको दुरीमा पर्दछ ।
श्रेष्ठको शव पोष्टमार्टमको लागि लहानस्थित रामकुमार सारडा उमाप्रसाद मुरारका स्मारक अस्पताल लगिएको छ । प्रहरीले घटनाको प्रकृति हेर्दा हत्या जस्तो देखिएपनि थप अनुसन्धान हुन वाँकी रहेको बताएको छ ।
बजारको सवैक्षेत्रमा पुग्नेगरी सिसि क्यामेरा जडान गरिएको भएपनि गोलबजारमा आपराधीक घटना रोकिन सकेको छैन । यहि साता मात्र सिरहामा तीन जनाको हत्या भईससकेको छ ।
