जेठ २२, एजेन्सी ।
अष्ट्रेलिया बिरुद्धको पहिलो टेष्ट क्रिकेटको दोस्रो ईनिङ्गस्मा समेत वेष्टईण्डिजले खराव प्रदर्शन गरेको छ । पाहुना टोली अष्ट्रेलियालाई पहिलो ईनिङ्गस्मा ३ सय १८ रनमा समेट्दै आफ्नो दोस्रो ईनिङ्गस् थालेको वेष्टईण्डिजले दोस्रो दिनको खेलको समाप्तिमा २ विकेट गुमाई २५ रन जोडेको छ । यसअघि डोमिनिकामा टस जितेर ब्याटिङ्ग गरेको क्यारेबियन टोली पहिलो ईनिङ्गस्मा १ सय ४८ रनमा समेटिएको थियो ।
यसअघि ३ विकेटको क्षतिमा ८५ रनबाट दोस्रो दिनको खेल थालेको अष्ट्रेलिया ३ सय १८ रनमा समेटिएको थियो । डेब्यु टेष्ट म्याचमा एडम भोग्सले १ सय ३० रनको पारी खेलेपनि अन्य ब्याट्सम्यानको प्रदर्शन भने बिर्सन लायक रह्यो । अन्य कुनै ब्याट्सम्यानले अर्धसतकसम्म छुन नसकेको कंगारु ईनिङ्गस्मा जोस हाजलउडले ३९ रन जोडे । अष्ट्रेलियन ईनिङ्गस्को धज्जी उडाउनेक्रममा देबेन्द्र बिसुले ६ विकेट लिए ।
वेष्टईण्डिज भ्रमणमा रहेको माईकल क्लार्कको टोली अष्ट्रेलियाले दुईवटा टेष्ट म्याच खेल्नेछ ।
