जेठ २१, एजेन्सी ।
सिरिया र ईराकमा अमेरिकी सेनाले गरेको हबाई कारबाहिका क्रममा १० हजार भन्दा बढि आईएस लडाकुहरुको मृत्यु भएको अमेरिकाले दाबि गरेको छ । पछिल्लो ९ महिनामा अमेरिकी गठबन्धन सेनाको कारबाहिका क्रममा थुप्रै लडाकु घाईते भएको अमेरिकाले बताएको छ ।
अमेरिकी उप बिदेशमन्त्री एन्टोनी ब्लिकोनका अनुसार आईएसका लागि पछिल्लो ९ महिनामा ठुलो क्षति भएको हो । उहाले यसका बाबजुत पनि जुनसुकै सेनामाथि आक्रमण गर्ने क्षमता भने आईएससंग भएकाले ऊ बिरुद्ध अझै कारबाहि आबश्यक रहेका बताउनुभयो । आईएस लडाकुले ईराक तथा सिरियाका २५ प्रतिशत भन्दा बढि क्षेत्र आफ्नो कब्जामा लिई आतंकबादि गतिबिधि सञ्चालन गर्दै आएको छ ।
