जेठ २१, एजेन्सी ।
शीर्ष बरियाताका नोभाक जोकोभिच र सेरेना विलिएम्स फ्रेन्च ओपन टेनिसको सेमिफाईनलमा प्रवेश गरेका छन् ।
पुरुष एकल तर्फ गएराती भएको खेलमा छैठौं बरियाताका स्पेनी राफेल नाडालाई ७–५, ६–३ र ६–१ को सोझो सेटमा पराजित गर्दै सर्बियन जोकोभिचले अन्तिम ४ मा स्थान बनाएका हुन् । यस्तै अर्को खेलमा बेलायती एण्डी मुरेले स्पेनी डेभिड फेररमाथि संकघर्षपूर्ण जित निकाले । बेलायती मुरेले क्ले कोर्टमा पहिलो पटक फेररलाई पराजित गरेका हुन् । सातौं बरियातका फेररलाई ७–६, ६–२, ५–७ र ६–१ को सेटमा पराजित गर्दै तेस्रो बरियाताका मुरे अन्तिम ४ मा पुगेका हुन् ।
महिला एकल तर्फको खेलमा १७ औं बरियाताकी सारा ईरानीमाथि ६–१ र ६–३ को सहज जित दर्ता गर्दै अमेरिकी सेरेना सेमिफाईनलमा प्रवेश गरेकी हुन् । अर्को खेलमा स्विजरल्याण्डकी तिमिया वाज्सिन्कीले बेल्जियमकी एलिसान भान युत्भानेकलाई ६–४ र ७–५ ले पराजित गर्दै सेमिफाईनल प्रवेश गरिन् ।
