सहदेब चौधरी, काठमाडौं ।
गायक शिव परियारको आवाजमा समावेश ‘हल्का हल्का माया बस्योु बोलको गीतको म्यूजिक भिडियोको छायांकन गरिएको छ। मिलन जलनको शब्द तथा संगीत रहेको गीतको म्यूजिक भिडियोलाई श्रीधर पौडेलले छायांकन तथा निर्देशन गरेका हुन्।
भुकम्पपछि जनजीवन सामान्य बन्दै गएपछि म्यूजिक भिडियोको छायांकन गरिएको निर्देशक पौडेलले बताए। उनले भने, ु भूकम्पपछि जीवन सामान्य बन्दै गएको यो मौकामा एउटा भिडयो को काम पनि अगाडि बढाइहालौ भनेर काम सुरु गर्यौ।
राजन इसानले एरेन्ज गरेको उक्त गीतको भिडियोमा सम्पदा बाँनिया र मिलन जलनले मोडलिङ गरेका छन्। पोखराको परिवेशलाई कैद गरिएको सो भिडियोमा सम्पदा र मिलनको जोडी जमेको निर्देशक पौडेलले बताए।
उनले प्रतिक्रिया दिँदै भने " हामीले भूकम्पको भयलाई भुलेर म्युजिक भिडियोको छायांकन गरेका छौ। छोटो तयारीमा उत्कृष्ट भिडियो बनाउने हाम्रो प्रयास हो। " जलनु एल्बममा समावेश गरिएको उक्त गीतको म्युजिक भिडियोसँगै अन्य गीतको पनि भिडियो तयार गर्ने सोचमा मोडल तथा गीतकार मिलन जलनरहेको निर्देशक पौडेलले बताए।
