कक्षा १२ को परिक्षा आज सुरु

काठमाडौं, २० जेठ ।
गत बैसाख १२ गतेको बिनाशकारी भुकम्प पछि स्थगित भएको कक्षा १२ को परिक्षा आज सुरु भएको छ । भुकम्पले अति प्रभाबित ७ जिल्ला बाहेक अन्य जिल्लाहरुमा आजबाट परिक्षा सुरु भएको हो । उच्च माध्यमिक शिक्षा परिषदका अनुसार भुकम्पले अति प्रभाबित गोरखा, नुबाकोट, धादिङ, काभ्रे, रामेछाप, दोलखा र सिन्धुपाल्चोक बाहेकका जिल्लामा परिक्षा सुरु गरिएको हो ।

भुकम्पका कारण धेरै धनजनको क्षति पुगेको काठमाण्डौ उपत्यकामा भने परिक्षा सञ्चालन गरिएको परिषदले जनाएको छ । कक्षा ११ को परिक्षा भने आगामि असार १ गतेबाट सञ्चालन हुने परिषदले जनाएको छ । यो बर्ष कक्षा १२ को परिक्षामा देशभर ६ लाख ७२ हजार ७ सय ४४ परिक्षार्थी सहभागि भएका छन् ।