जेठ १७, एजेन्सी ।
एथ्लेटिको बिल्वाओलाई ३–१ ले पराजित गर्दै बार्सिलोनाले कोपा डेल रे फुटवल प्रतियोगिताको उपाधि जितेको छ । बार्सिलोनालाई उपाधि जिताउन लियोनल मेसिले २ तथा नेयमारले १ गोल गरेका थिए । खेलको २० औ मिनेटमा मेसिको गोलबाट अग्रता बनाएको बार्साले ३६ औ मिनेटमा अग्रता दोब्बर बनाएको थियो । नेयमारले गोल गर्दै टिमलाई २–० को स्थितीमा पुर्याए । पहिलो हाफमा २ गोलले अग्रता बनाएको बार्साका लागि खेलको ७४ औ मिनेटमा मेस्सिले ब्यक्तिगत दोश्रो गोल गर्दै ३–० को स्थितीमा पुर्याए । तर त्यसको ५ मिनेट नबित्दै विलियम्सले गोल गर्दै अन्तर घटाएका थिए । यद्यपी यो पर्याप्त हुन सकेन र उपाधि बार्साले हात पा¥यो ।
उता एस्टन भिल्लालाई ४–० ले पराजित गर्दै आर्सनलले एफ.ए कप को उपाधि जितेको छ । १२ औ पटक उपाधि उचाल्ने क्रममा आर्सनलले २६ औ मिनेटमा थियो वाल्कोटको गोलबाट सुरुबाती अग्रता लिएको थियो । उसका लागि ५० औं मिनेटमा एलेक्स सान्चेले दोश्रो गोल गरेका थिए । ६२ औं मिनेटमा आर्सनलले तेस्रो गोल ग¥यो । खेल आफ्नो पक्षमा पारिसकेको उसका लागि ९० औं मिनेटमा जिरउडले गोल गर्दै ४–० को जित दिलाए ।
