जेठ १४, एजेन्सी ।
साउदी नेतृत्बको गठबन्धन सेनाले यमनको राजधानी सानामा गरेको हवाई आक्रमणमा कम्तीमा ३६ जनाको मृत्यु भएको छ । सो आक्रमणमा परि सय भन्दा बढि घाईते भएका छन् । हतियार राखेको गोदामलाई लक्षित गरी सो आक्रमण गरिएको बीबीसीले जनाएको छ ।
हुथी बिद्रोहिले सीमा क्षेत्रमा गोलाबारी सुरु गरेपछि गठबन्धन सेनाले सो जवाफी आक्रमण गरेको बताईएको छ । सो आक्रमण पछि साउदी सेनाले बिशेष सुरक्षा बलको मुख्यालयलाई निशाना बनाएका थिए । सो आक्रमणमा मृत्यु हुनेमा सर्बसाधारण पनि रहेको त्यहाँका अधिकारीहरुले बताएका छन् । हुथी बिद्रोही बिरुद्ध २ महिनायता साउदी नेतृत्बको सेनाले गरेको कारबाहीमा २ हजार भन्दा बढिको मृत्यु भईसकेको छ भने ८ हजार भन्दा बढि घाईते भएका छन् ।
