जेठ १४, एजेन्सी ।
दोस्रो बरियाताका रोजर फेडेरर र मारिया सारापोभा, फ्रेन्च ओपन टेनिस प्रतियोगिताको तेस्रो चरणमा प्रवेश गरेका छन् ।
गएराती भएको खेलमा स्पेनका मार्सेल ग्रानोलर्सलाई ६–२, ७–६ र ६–३ ले पराजित गर्दै स्विस फेडेरर तेस्रो चरणमा स्थान बनाउन सफल भए । यस्तै चेक रिपब्लिकका थोमस बर्डिच, जापानका केई निसिकोरी, फ्रान्सका गेल मोन्फिल्स, जो वेल्फ्रेड सोङ्गा र गेल सिमोन्स, स्विजरल्याण्डका स्टेनिसलस वावरिन्का र उरुग्वेका पाब्लो कुएभास पनि आ–आफ्नो खेल जित्दै तेस्रो चरणमा प्रवेश गरेका छन् ।
महिला एकल तर्फ आफ्नै देशकी भितालिया डियाचेन्कोलाई ६–३ र ६–१ ले पराजित गर्दै डिफेण्डिङ्ग च्याम्पियन रसियन सारापोभा पनि तेस्रो चरणमा प्रवेश गरेकी छन् । अर्को खेलमा सातौं बरियाताका सर्बियन अन्ना ईभानोभिच जापानकी मिसाका दोईलाई ३–६, ६–३ र ६–४ ले पराजित गर्दै अघिल्लो चरणमा स्थान बनाउन सफल भईन् । महिला एकल तर्फका अन्य खेलमा जर्मनी एङ्गेलीक केरबर, अष्ट्रेलियाकी सिमान्था स्तोर्स, स्पेनकी गार्बिन मुगुरुजा, फ्रान्सका एलिज कोर्नेट पनि आ–आफ्नो खेल जित्दै तेस्रो चरणमा प्रवेश गरेका छन् ।
तेस्रो बरियाताकी सिमोना हेलेप क्रोएसियाकी मीरजना लुसी बारोनीसँग ७–५ र ६–१ ले पराजित हुँदै दोस्रो चरणबाटै बाहिरिएकी छन् ।
