जेठ १३, एजेन्सी ।
जिम्बाबे बिरुद्धको पहिलो वन डे क्रिकेटमा पाकिस्तान विजयी भएको छ । लाहौरमा गएराती भएको खेलमा जिम्बाबेलाई ४१ रनले पराजित गर्दै पाकिस्तानले तीन दिबसीय सिरिजमा १–० को अग्रता लिएको छ ।
टस जितेर पहिला ब्याटिङ गरेको घरेलु टोली पाकिस्तानले निर्धारित ५० ओभरमा ३ विकेट गुमाई ३ सय ७५ रनको उच्च योगफल तयार पारेको थियो । पाकिस्तानका लागि सोएब मल्लीकले १ सय १२ रनको योगदान दिएका थिए । त्यस्तै हेरिस सोहिलले ८९, मोहम्बद हाफिजले ८६ र अजहर अलिले ७९ रन बनाए ।
३ सय ७६ रनको लक्ष्य पछ्याएको जिम्बाबेले निर्धारित ओभरमा ५ विकेट गुमाई ३ सय ३४ रन मात्र जोड्न सक्यो । उसका लागि एल्टन सिगुम्बुराले १ सय १७ र हेमिल्टन मासाकाट्जाले ७३ रन बनाए । अन्यको प्रदर्शन उल्लेख्य हुन सकेन । पाकिस्तानका वहाब रियाजले ३ तथा अनबर अलि र सोयब मलिकले १–१ विकेट लिएका थिए । दुई बर्षपछि राष्ट्रिय टोलीमा फर्किएका मल्लिक म्यान अफ द म्याच भए ।
दोश्रो म्याच अगामी शुक्रबार हुनेछ ।
