दुर्घटनामा २ को मृत्यु

कावासोती, १२ जेठ ।
नवलपरासीको बडेरामा गएराति भएको ट्रक दुर्घटनामा २ जनाको मृत्यु भएको छ । ३ जना घाइते भएका छन् । प्रहरी कार्यालय कावासोतीकाअनुसार, नवलपरासीको बडेरामा पेय पदार्थ बोकेर पश्चिम जाँदै गरेको बा १ क ३५३१ नम्बरको ट्रक र विपरीत दिशामा रहेको ना ४ ख ७५५९ नम्बरको ट्रक एक आपसमा ठोक्किएका थिए । दुर्घटनामा ट्रक चालक र सहचालकको मृत्यु भएपनि उनीहरुको सनाखत भने हुन सकेको छैन ।

दुर्घटनामा ३ जना गम्भीर घाइते भएको र उनीहरुको स्थानीय अस्पतालमा उपचार भैरहेको छ । तीव्रगतिमा रहेका दुई ट्रकले नियन्त्रण गुमाउँदा दुर्घटनामा भएको अनुमान गरिएको छ ।