पाकिस्तान र जिम्बावेबीचको वन डे सिरिज सुरु हुदै

जेठ १२, एजेन्सी ।  
पाकिस्तान र जिम्बावेबीचको ३ म्याचको वन डे क्रिकेट सिरिज आज सुरु हुदैछ । पहिलो म्याच नेपाली समय अनुसार, अपरान्ह पौने ५ बजे लाहोरमा हुनेछ ।
शईद अजमल, उमर गुल, जुपिल्फकर बाबरलाई बाहिर राख्दै पाकिस्तान क्रिकेट बोर्डले सोएब मल्लीक र मोहमद सामीलाई टोलीमा समावेश गरेपछि पाकिस्तान केही हौसिएको छ । बंगलादेशसँगको वन डे र Twenty\20 सिरिजमा नराम्ररी पराजित भएपछि पाकिस्तानले टोलीमा ब्यापक हेरफेर गरेको हो । पाकिस्तान अजहर अली र जिम्बावे एल्टन सिकम्बुराको कप्तानीमा मैदान उत्रनेछन् ।

यसअघिको २ म्याचको Twenty\20 सिरिज भने पाकिस्तानले क्लिनस्विप गरेको थियो । श्रीलंकन खेलाडिमाथि आक्रमण भएपछि घरेलु क्रिकेट धराशायी बनेका समय ६ बर्षपछि पाकिस्तानले आफ्नै मैदानमा क्रिकेट सिरिज आयोजना गरेको हो ।