जेठ ११, एजेन्सी ।
विश्व वरियतामा २ नम्बरमा रहेका रोजर फेडरर फ्रेन्च ओपन टेनिस प्रतियोगीताको दोस्रो चरणमा पुगेका छन् । कोलम्बियाका अलेजेन्द्रो फल्लालाई ६–३ ६–३ र ६–४ को सोझो सेटमा पराजित गर्दै फेडेररले प्रतियोगितामा विजयी सुरुवात गरेका हुन् ।
महिलातर्फ तेस्रो वरियताकी सिमोना हलेप ले रसियाकी ईभ्जेनिया रोडिनालाई ७–५ र ६–४ ले जितिन् ।
यस्तै पुरुषतर्फको अर्काे खेलमा आठौँ बरियताका स्टानिसलस वावरिन्का ले टर्कीका मार्सेल ल्हान लाई ६–३ ६–२ ६–३ को सोझो सेटमा हराए ।
अन्य खेलमा केई निसिकोरी, जो वेलफ्रेड सोङ्गा, अन्ना ईभानोभिच, एकातेरिना माकारोभा, लुसी साफारोभा पनि आ–आफ्नो खेल जित्दै दोस्रो चरणमा प्रवेश गरेका छन् ।
