जेठ ११, एजेन्सी ।
जिम्बाबे बिरुद्धको Twenty\20 श्रृखंला पाकिस्तानले क्लिनस्विप गरेको छ । दोस्रो म्याचमा गएराती २ विकेटको जित दर्ता गर्दै पाकिस्तानले ६ बर्षपछि आफ्नै मैदानमा भएको सिरिज क्लिनस्विप गरेको हो । पहिलो म्याचमा पाकिस्तान ५ विकेटले बिजयी भएको थियो ।
गएराती भएको खेलमा टस जितेर पहिला ब्याटिङ गरेको जिम्बाबेले निर्धारित ओभरमा ३ विकेट गुमाएर १ सय ७५ रन बनाएको थियो । १ सय ७६ रनको लक्ष्य पाकिस्तानले ३ बल बाँकी छदा ८ विकेट गुमाएर भेट्टायो ।
पाकिस्तानले भोली लाहौरमा जिम्बाबे बिरुद्ध पहिलो एक दिबसिय खेल खेल्नेछ ।
यसैबीच, पाकिस्तान क्रिकेट बोर्डले सोएब मल्लिक र मोहमद सामीलाई वन डे टोलीमा समावेश गराएको छ । शईद अजमल, उमर गुल, जुल्फिकर बाबर, राहत अली टोलीमा नपर्दा मल्लिकले २ र सामीले ३ बर्षपछि राष्ट्रिय टोलीमा स्थान बनाएका हुन् ।
उता, न्युजिल्याण्ड बिरुद्धको पहिलो टेष्ट क्रिकेटमा ईङ्ल्याण्ड सम्हालिएको छ । २ विकेटको क्षतिमा ७४ रनमा चौथो दिनको खेल थालेको ईङ्ल्याण्डले दिनको खेलको समाप्तिमा ६ विकेट गुमाई ४ सय २९ रन बनाएको छ । योसँगै घरेलु टोलीले २ सय ९५ रनको अग्रता लिएको छ ।
कप्तान एलेष्टर कुक १ सय ५३ रनमा नटआउट छन् । बेन स्टोकले १ सय १ र जोए रुटले ८४ रन जोडे । लण्डनमा टस हारेर ब्याटिङ्ग गरेको ईङ्ल्याण्ड पहिलो ईनिङ्गस्मा ३ सय ८९ रनमा समेटिएको थियो भने न्युजिल्याण्डले पहिलो ईनिङ्गस्मा ५ सय २३ रन जोडेको थियो ।
