ओखलढुङ्गा, १० जेठ ।
चट्याङले लागेर हिजो साँझ ओखलढुङ्गामा एक महिलाको मृत्यु भएको छ भने अन्य ५ जना घाइते भएका छन् । जिल्लाको पातले गाविस–९ मा चट्याङले लागेर ३० बर्षिया देवि लामिछानेको मृत्यु भएको हो ।
चट्याङले लागेर सोही ठाउँका २२ बर्षिया सम्झना बस्नेत, २८ बर्षिय कुमार लामिछाने, २५ बर्षिया प्रमिला लामिछाने, ३६ बर्षिय केशर सिंह कार्की र ३६ बर्षिय डम्बर खत्री घाइते भएका छन् । उनीहरु मध्ये सम्झनाको अवस्था गम्भीर रहेको छ । उनको मिसन अस्पताल ओखलढुङ्गामा उपचार भईरहेको छ ।
