जेठ १०, एजेन्सी ।
ईङ्लीस प्रेमियरसिप फुटवलको जारी सिजन आज सकिदैछ । आज राती एक साथ बिभिन्न १० खेलहरु हुदैछन् । उपाधि विजेता चेल्सीले सण्डरल्याण्डसँग प्रतिस्पर्धा गर्दैछ भने दोस्रो स्थानको म्यानचेष्टर सिटीले साउथहेप्टनसँग प्रतिस्पर्धा गर्नेछ । यस्तै तेस्रो स्थानको आर्सनल र वेष्टब्रोम तथा चौथो स्थानको म्यानचेष्टर युनाईटेड र हल सिटी पनि आमने सामने हुनेछन् । उपाधि विजेता चेल्सीसँगै म्यानचेष्टर सिटी, आर्सनल र म्यानचेष्टर युनाईटेडले च्याम्पियन्स लिगमा स्थान सुरक्षित गर्दा बर्नली र QPR रेलिगेशनमा परेका छन् । रेलिगेशनमा पर्ने तेस्रो टोलीको भने टुङ्गो लाग्न बाँकी छ । रेलिगेशन जोनमा रहेको हल सिटी र १७ औं स्थानमा रहेको न्युकासल मध्ये एक घटुवामा पर्नेछन् । हल सिटी म्यान युनाईटेडसँग पराजित भए न्युकासल सुरक्षित हुनेछ । न्युकासलले भने वेष्टहामसँग प्रतिस्पर्धा गर्नेछ ।
उता स्पेनिस ला लीगाको यो सिजन गएराती सकिएको छ । उपाधि विजेता बार्सिलोनाले डेर्पोटिभो डि ला कोरुनासँग २–२ गोलको बराबरी खेल्दा दोस्रो स्थानको रियल मड्रिडले भने गाताफेलाई ७–३ गोल अन्तरमा पराजित गरेको छ । उपाधि विजेता बार्साले ३८ खेलबाट ९४ अंक जोडेको छ भने रियलको ९२ अंक भएको छ । क्रिष्टियानो रोनाल्डोले पहिलो हाफमै ह्याट्रिक गरेपछि रियल लिगको अन्तिम खेलमा फराकिलो जित निकाल्न सफल भयो । यस सिजनमा रोनाल्डोको यो ६१ औं गोल पनि हो । तेस्रो स्थानको एथ्लेटिको मड्रिडले ग्रानाडासँग गोल रहित बराबरी खेल्दा चौथो स्थानको भ्यालेन्सियाले एल्मेरियालाई ३–२ ले पराजित ग¥यो ।
