जेठ १०, एजेन्सी ।
आठौ संस्करणको ईण्डियन प्रिमियर लिग क्रिकेट आई पिएलको उपाधिका लागि आज चेन्नई सुपर किङस र मुम्बई ईण्डियन्स बिच हुदैछ । नेपाली समय अनुसार राती सबा आठ बजे हुने उपाधि भिडन्त अत्यन्त रोमाञ्चक र प्रतिस्पर्धात्मक हुने अनुमान गरिएको छ ।
महेन्द्रसिंह धोनीको कप्तानीमा रहेको चेन्नई र रोहित शर्माको कप्तानीमा रहेको मुम्बई ईण्डियन्सबिच प्ले अफ चरणमा पनि प्रतिस्पर्धा भएको थियो । सो खेलमा चेन्नईलाई २५ रनले पराजित गरेको मुम्बई सोहि आत्मबिश्बासका साथ उपाधि हत्याउने दाउमा रहेको छ । त्यस्तै चेन्नई पनि प्ले अफ चरणमा ब्योहोरेको हारको बदला लिदै उपाधि आफ्नो पक्षमा पार्ने दाउमा रहेको छ ।
आईपिएल क्रिकेट अन्र्तगत चेन्नई सुपर किङगस र मुम्बई ईण्डियन्स बिच भएको २१ भेटमा ११ मा मुम्बईले बाजि मारेको छ भने १० खेलमा चेन्नई बिजयि भएको छ । कोलकत्ताको ईडन गार्डेन खेल मैदानमा खेलेका पछिल्ला ३ खेल सबैमा चेन्नई पराजित भएको थियो ।
