किशोर बुढाथोकि, विराटनगर ।
प्रहरीले विराटनगरवाट खैरो हिरोईन सहित एक युवकलाई पक्राउ गरेको छ । मोरङ विराटनगर १७ स्थित मलाया रोडबाट क्षेत्रीय प्रहरी कार्यालयको अनुसन्धान समुह र लागुऔषध नियन्त्रण ईकाईका प्रहरीले चेक जाँचकाक्रममा १५ ग्राम खैरो हिरोइन सहित सुनसरी ईटहरी १ का २६ वर्षिय बिनय श्रेष्ठलाई पक्राउ गरेको हो । उनलाई इलाका प्रहरी कार्यालय रानीमा राखी थप अनुसन्धान भइरहेको छ ।
त्यसैगरी सुनसरीको धरान उपमहानगरपालिका ८ मा एक झोलाबाट लागुऔषध बरामद भएको छ । इलाका प्रहरी कार्यालय धरानबाट चेकिङमा खटिएको प्रहरीले सवारी चेकजाँचका क्रममा बेवारिसे अवस्थामा छाडेको झोला खोलेर हेर्दा झोलाभित्र लागुऔषध डाईजेपाम, नुरजेसिक र एभिल २००/२०० एम्पुल तथा स्पास्मो प्रोक्सिवन ७०२ क्याप्सुल बरामद भएको क्षेत्रीय प्रहरी कार्यालय विराटनगरले जनाएको छ ।
