क्रान्ति साह, वीरगञ्ज ।
बारामा भएको छुटटा छुटटै सवारी दुर्घटनामा तीन जनाको मृत्यु भएको छ । दुर्घटनामा परि एक जना घाइते भएका छन् ।
पसाहाबाट सहजनाथ महादेब मन्दिरको बाटो हुँदै हरैया रामनगर तर्फ जादै गरेको बा ३८ प ६२५८ नम्बरको मोटरसाईकल हरैया गाविस नजिकको जङ्गलमा अनियन्त्रीत भइ पल्टँदा मोटरसाईकलमा सवार दुइ जनाको घटनास्थलमै मृत्यु भएको जिल्ला ट्राफिक प्रहरी कार्यालय बाराले जनाएको छ ।
दुर्घटनामा बारा हरैया गाविस १ रामनगरका मोटरसाइकल चालक ३५ बर्षिय मातृका सुवेदी र मोटरसाईकलमा सवार त्यही ठाउँका ४५ बर्षिय तुलसी भट्टराईको मृत्यु भएको प्रहरीले जनाएको छ । तिब्र गतीमा रहेको मोटरसाइकल अनियन्त्रीत भई पल्टिएर रुखमा ठोक्कीदा दुवै मृत्यु भएको जिल्ला ट्राफिक प्रहरी कार्यालय बाराले जनाएको छ ।
यस्तै बाराकै सिमरामा गएराति मोटरसाईकलको ठक्करबाट एक जना पैदल यात्रुको मृत्यु भएको छ । सिमराको हुलास स्टिल उद्योग नजिक पथलैयाबाट आउँदै गरेको लु ३ प ८२१० नम्बरको मोटरसाईकलको ठक्करबाट गढिमाई नगरपालीका १ का ४५ बर्षिय नारायण पौडेलको मृत्यु भएको इलाका प्रहरी कार्यालय सिमराले जनाएको छ ।
