जेठ ६, तनहुँ / पवन पौडेल
चट्याङ र पहिरोमा परी तनहुँमा पाँच जनाको मृत्यु भएको छ । मेघ गर्जन सहित भारी वर्षासंगै आएको चट्ङयाङमा परी घरमै सुतिरहेका कोटदरबार ६ ढापस्वाँरा निवासी ३७ वर्षका हस्तबहादुर थापा र ४१ वर्षिया झरिमाया थापाको मृत्यु भएको हो ।
यसैगरी चट्ङयाङ पछि घरमा विद्युत सर्ट हुँदा आगलागिमा परि घाइते बन्दिपुर ७ खानीगाउँ निवासि ३२ बर्षीय मीन बहादुर गुरुङको उपचारको क्रममा आज विहान मृत्य भएको हो । यसैबीच, वर्षापछि गएराती आएको पहिरोमा परी आँबुखैरेनी ८ मा दुई किशोरको मृत्यु भएको छ ।
राजमार्ग माथिबाट खसेको पहिरोमा परेपछि ना १८ प २९५५ नम्बरको मोटरसाइकलमा सवार स्थानीय १५ वर्षका गणेश थापा र भक्तबहादुर थापा पहिरोमा पुरिएका हुन् । उनीहरुको घटनास्थलमै ज्यान गएको थियो । मस्र्याङदी जलविद्युत गृह नजिकै गएको पहिरो पछि अवरुद्ध पृथ्वी राजमार्ग विहान सवा ३ बजेबाट एकतर्फी रुपमा सञ्चालनमा आएको छ ।
