एजेन्सी, जेठ ६ ।
मुम्वई इण्डियन्स आइपिएल क्रिकेटको फाइनलमा पुगेको छ । गएराती भएको खेलमा चेन्नाई सुपर किंग्सलाई २५ रनले पराजित गर्दै मुम्वई फाइनल प्रवेश गरेको हो । १ सय ८८ रनको लक्ष्य पाएको चेन्नाईलाई १ सय ६२ रनमा रोक्दै मुम्वईले जित हात र्पायो ।
लासिथ मालिङ्गाले तीन तथा हरभजन सिंह र विनय कुमारले २–२ विकेट लिएपछि चेन्नाई १९ औं ओभरमा अलआउट भयो । उसका महेन्द्रसिंह धोनी र ड्वायन स्मिथ डकआउट भएका थिए । फाफ डु प्लेसिसले ४५ रनको योगदान गरे । यसअघि टस जितेर व्याटिङ गरेको मुम्वईले लेन्डल सिमोन्सको ६५ र किरोन पोलार्डको ४१ रनको मद्धतमा १ सय ८७ रनको योगफल बनाएको थियो ।
मुम्बइसँगको खेलमा हार व्यहोरे पनि चेन्नइले अर्को खेल खेल्न पाउनेछ । चेन्नइको अर्को खेल पर्सि शुक्रबार हुनेछ । यसैबिच प्रतियोगिताको दोश्रो प्ले अफमा आज रोयल च्यालेन्जर्स बैङलोर र राजस्थान रोयल्स बिच खेल हुनेछ । आजको बिजेताले फाईनल प्रबेशका लागि चेन्नई सुपर किङगसको सामना गर्नेछ ।
