काठमाडौं, ५ जेठ ।
डढेलधुरा र मकवानपुरमा भएको छुट्टा छुट्टै सवारी दुर्घटनामा परी मृत्यु हुनेको संख्या १८ पुगेको छ । भिमदत्त पन्त राजमार्ग अन्तर्गत डडेलधुराको मेलखर्कमा हिजो साँझ भएको दुर्घटनामा ९ जनाको मृत्यु भएको छ । दुर्घटनामा अन्य ३५ घाइते भएको प्रहरीले जनाएको छ । महेन्द्रनगरबाट दार्चुलाका लागि छुटेको ना ५ ख १६८५ नम्बरको गाडी सडकबाट करिब ६० मिटर तल खोलामा खसेको सुदुर पश्चिम क्षेत्रका डिआईजी रामप्रसाद खनालले जानकारी दिनुभयो ।
यता मकवानपुरको मनहरी–३ रमनटारमा भएको बस दुर्घटनामा परि ज्यान गुमाउनेहरुको संख्या पनि ९ छ । हेटौंडाबाट नारायणगढतर्फ आउँदै गरेको ना५ख ३६९७ नम्बरको बस र नारयणगढबाट हेटौंडा जाँदै गरेको ना४ख ५७६५ नम्बरको ट्रक एकआपसमा ठोक्किएका थिए । दुर्घटनामा २७ भन्दा बढी यात्रु घाईते भएका छन् ।
