​मकवानपुरमा बस दुर्घटना हुँदा ९ जनाको मृत्यु

काठमाडौं, ४ जेठ । मकवानपुरको मनहरी ३ रमनटारमा यात्रुबहाक बस र ट्रक आपसमा ठोक्किएर दुर्घटना हुँदा ९ जनाको मृत्यु भएको छ भने २० जना घाईते भएका छन् । विरगञ्जबाट नारायणगढतर्फ आउँदै गरेको ना ४ ख ३६९७ नम्बरको यात्रुबाहक बस र विपरीत दिशाबाट आउँदै गरेको ना ४ ख ५७ ६५ नम्बरको ट्रक आपसमा ठोक्किएर दुर्घटना भएको प्रहरीले जनाएको छ । घाईते भएका १२ जनालाई उपचारका लागि भरतपुर अस्पताल लगिएको छ । ८ जनाको स्थानीय स्वास्थ्यचौकीमा उपचार भइरहेको छ । अहिलेसम्म मृतको सनाखत भइनसकेको प्रहरीले जनाएके छ ।