क्रान्ति साह, वीरगञ्ज ।
पर्साको झौंवागुठीबाट सशस्त्र प्रहरीले पाँच केजी चरेश सहित दुई जनालाई पक्राउ गरेको छ । अमरपट्टीमा रहेको सशस्त्र प्रहरी बेस क्याम्पबाट खटिएको सशस्त्र प्रहरीको टोलीले हिजो साँझ चरेश सहित रौतहट झुनखुनुवा ३ का अमर यादव र वीरगन्ज छप्कैयाका शेष तमाङलाई नियन्त्रणमा लिएको हो ।
उनीहरु, बा २५ प ४५३० नम्बरको मोटरसाईकलमा चरेश लिएर भारत तर्फ जाँदै थिए । सशस्त्र प्रहरी उपरिक्षक भीम बहादुर थापाले चरेश र मोटरसाइकल सहित पक्राउ परेका दुवैलाई आवश्यक कार्वाहीका लागि जिल्ला प्रहरी कार्यालय पर्सामा बुझाईएको जानकारी दिनु भयो ।
