जेठ ४, एजेन्सी ।
चेन्नई सुपर किङस र राजस्थान रोयल्ससंगै रोयल च्यालेन्जर्स बैङलोर र मुम्बई ईण्डियन्स पनि आईपिएल क्रिकेटको प्ले अफ चरणमा प्रबेश गरेका छन् । गएराती दिल्ली डेयर डेभिल्ससंग अंक बाड्दै बैङलोर अन्तिम चारमा प्रबेश गरेको हो । लगातारको बर्षापछि अबरुद्ध बनेको खेल बर्षा नरोकिएपछि एक एक अंक बाड्दै टुंगिएको थियो ।
त्यस्तै गएराती नै भएको अर्को खेलमा सनराईजर्स हैदराबादलाई ९ विकेटले पराजित गर्दै मुम्बई ईण्डियन्स प्रतियोगिताको अन्तिम चारमा प्रबेश भएको छ । टस जितेर पहिले ब्याटिङ गरेको हैदराबादले निर्धारित २० ओभर पुरै खेल्दै सबै विकेट गुमाएर १ सय १३ रन मात्र बनाउन सफल भयो । सुरुबात देखिनै लगातार विकेट गुमाउदै गएको उसका लागि कुनै पनि ब्याट्सम्यानले उत्कृष्ट प्रर्दशन गर्न सकेनन् । मुम्बईका मिचेल मैकलनले ३ तथा लासिथ मालिङगाले २ बिकेट लिए । १ सय १४ रनको सामान्य लक्ष्य मुम्बईले ३७ बल बाकि छदै १ विकेट गुमाएर भेट्टाएको थियो । उसको जितमा लेन्डल सिमेन्सले ४८ रनको योगदान गरे भने पार्थिब पटेलले अबिजित ५१ र कप्तान रोहित शर्माले ७ रनमा अबिजित रहे ।
प्ले अफ चरणको पहिलो खेलमा भोलि चेन्नई सुपर किङगस र मुम्बई ईण्डियन्स बीच प्रतिस्पर्धा हुनेछ । त्यस्तै दोश्रो प्ले अफमा राजस्थान रोयल्सको प्रतिस्पर्धा रोयल्स च्यालेन्जर्स बैङलोरसंग आगामि बुधबार हुनेछ ।
