जेठ ४, एजेन्सी ।
बार्सिलोनाले स्पेनिस ला लीगा फुटवलको उपाधि जितेको छ । यो उसको २३ औं ला लीगा उपाधि पनि हो । गएराती भएको खेलमा एथ्लेटिको मड्रिडलाई १–० गोल अन्तरमा पराजित गर्दै बार्सिलानाले एक खेल अगावै उपाधि जितेको हो । ३७ औं खेलको समाप्तिमा बार्साले दोस्रो स्थानमा रहेको रियल मड्रिडसँग ४ अंकको दुरी कायम गर्दै उपाधि आफ्नो पक्षमा पारेको हो । बार्सा ९३ अंकमा शीर्ष स्थानमा रहँदा रियल भने ८९ अंकमा दोस्रो स्थानमा छ ।
बार्सालाई उपाधि दिलाउन लियोनेल मेसीले एथ्लेटिको बिरुद्ध गएराती खेलको ६५ औं मिनेटमा निर्णायक गोल गरे । यो उनको जारी सिजनमा ४१ औं गोल पनि हो ।
गएराती नै भएका अर्कोे खेलमा क्रिष्टियानो रोनाल्डोेले ह्याट्रिक गरेपछि रियल मड्रिडले स्पानियोललाई ४–१ ले पराजित ग¥यो । ५९, ८३ र ९० औं मिनेटमा गोल गरेका रोनाल्डोको यो जारी सिजनमा गरेको सातौं ह्याट्रिक पनि हो ।
