जेठ ४, एजेन्सी ।
म्यानचेष्टर सिटीले ईङ्लीस प्रेमियरसिप फुटवलमा शीर्ष तीनमा आफ्नो स्थान सुरक्षित गरेको छ । गएराती भएको खेलमा स्वान्सीलाई ४–२ ले पराजित गरेपछि सिटी टप थ्री भित्र रहने पक्का भएको हो । जारी लिगमा एक खेलमात्र खेल्न बाँकी रहँदा सिटी ७६ अंकमा दोस्रो स्थानमा छ । सिटीको जितमा याया टोरले २ तथा जेम्स मिलर र विल्फ्रिड बोनीले १–१ गोल गरेका थिए । सिटीका लागि जारी सिजनमा टोरको यो ५४ औं गोल पनि हो । याया टोरको स्थानमा ८५ औं मिनेटमा मैदान छिरेका बोनी÷ आफ्नो पूर्व क्लब स्वान्सी बिरुद्ध पहिलो म्याचमा नै गोल गर्न सफल भए ।
गएराती नै भएको अर्को खेलमा आर्सनल र म्यानचेष्टर युनाईटेडले भने १–१ गोलको बराबरी खेलेका छन् । जारी लिगमा २ खेल बाँकी रहेको आर्सनल ७१ अंकमा तेस्रो स्थानमा छ भने चौथो स्थानको म्यान युनाईटेडको ६९ अंक छ । एण्ड्री हेर्रेराले ३० औं मिनेटमा गोल गर्दै म्यान युनाईटेडलाई आग्रता दिलाएका थिए । तर ८२ औं मिनेटमा टेलर ब्लाकेटले आर्सनललाई आत्मघाती गोलको उपहार दिएपछि खेल १–१ गोलको बराबरीमा सकिएको थियो ।
जारी लिगको उपाधि विजेता चेल्सीले आज राती वेष्टब्रोमसँग प्रतिस्पर्धा गर्नेछ ।
