पोखरा, ३ जेठ ।
कास्कीको लेखनाथ नगरपालिस्थित बेगनासतालमा डुंगा दुर्घटना हुँदा २ बालिकाको मृत्यु भएको छ । अन्य ३ जना भने पौडिएर बाँच्न सफल भएका छन् ।
दुर्घटनामा लेखनाथ ११ की १३ वर्षीया सिता सुनार र १२ वर्षीया ममता गुरुङको मृत्यु भएको प्रहरीले जनाएको छ । उनीहरु सवार ढुङ्गा तालको बीच भागमा पुगेपछि पानी छिरेर पल्टिएको थियो । पौडिएर बाँचेकाले खबर गरेपछि उद्धारमा गएको प्रहरी र स्थानीय जलारीको टोलीले बालिकाहरुको शव बाहिर निकालेको थियो ।
स्थानियबासीका अनुसार, सो ढुङ्गा बिग्रिएर लामो समयदेखि ताल किनारमा थन्किएको थियो ।
