सुवास योञ्जन, दोलखा ।
दोलखा आसपास क्षेत्रका भुकम्प प्रभावितहरुको उद्धारमा रहेका समय बेपत्ता भएको हेलिकप्टरको खोजीका लागि आज अमेरिकाबाट रिमोट सेन्सर युक्त बिशेष बिमान आज काठमाडौं आउदैछ । ६ जना अमेरिकी र २ जना नेपाली सैनिक रहेको सो हेलिकप्टर गत मंगलवार देखि बेपत्ता छ ।
नेपाली सेना, भारतीय वायुसेना र अमेरिकन हेलिकप्टर प्रयोग गरी लगातार खोजी गरेपनि हराएको हेलिकप्टर नभेटिएपछि रिमोट सेन्सर युक्त बिमान नेपाल आउन लागेको हो । करिब चार सय जनाको टोलीले दोलखाका बिभिन्न स्थान सहित रामेछाप, सिन्धुली र आसपासका क्षेत्रमा हवाई र स्थलमार्गबाट खोजी तिब्र बनाएपनि अहिलेसम्म कुनै सिग्नल पत्ता लाग्न नसकेको नेपाली सेनाले जनाएको छ ।
