जेठ १, एजेन्सी ।
ईटलियन ओपन टेनिसमा पुरुष तथा महिला एकल तर्फ आज शीर्ष खेलाडिहरुबीच प्रतिस्पर्धा हुदैछ ।
पुरुष एकल तर्फ शीर्ष बरियातका सर्बियन नोभाक जोकोभिचले पाँचौ बरियाता प्राप्त जापानका केई निसिकोरीसँग प्रतिस्पर्धा गर्नेछ । यस्तै दोस्रो बरियाताका स्विस रोजर फेडेररले चेकरिपब्लिकका चेक थोमस बर्डिचको सामना गर्नेछन् । आजै हुने अर्को खेलमा स्पेनी राफेल नाडाल र स्विजरल्याण्डका स्टेनिसलस वावरिन्का आमने सामने हुनेछन् । सातौ बरियाताका स्पेनी डेभिड फेररले भने बिना बरियाताका बेल्जियमका डेभिड गोफिनको सामना गर्नेछन् ।
महिला एकल तर्फ भने तेस्रो बरियाताकी रसियन मारिया सारापोभा र बेलारुसकी भिक्टोरिया अजरेन्कासँग प्रतिस्पर्धा गर्नेछन् । दोस्रो बरियाता प्राप्त रोमानियाकी सिमोना हेलेपले आफ्नै देशकी अलेक्सजेन्द्रा दुल्गेरुको सामना गर्नेछन् ।
महिला तर्फ शीर्ष बरियाताकी सेरेना विलिएम्सले चोटका कारण प्रतियोगिता छाडेकी छन् भने बेलायती एण्डी मुरेले थकानको कारण देखाउदै प्रतियोगिता बीचबाटै छाडेका छन् ।
