सुवास योञ्जन, दोलखा ।
अमेरिकी सेनाको मरिनको युएच वान वाई हुवे हेलिकप्टर अझै फेला परेको छैन् । भुकम्प प्रभावितहरुको उद्धारका लागि भन्दै काठमाडौंबाट उडेको सो हेलिकप्टर दोलखाको सुनखानी क्षेत्रबाट मंगलबार दिउँसो सवा २ बजदेखि सम्पर्कविहिन भएको हो । दोलखाको सुनखानी र डगुवा क्षेत्रमा रहेको अनुमानमा व्यापक खोजी भइरहेको सेनाका उपरथी बिनोद बस्न्यातले बताउनुभयो ।
हेलिकप्टर तामाकोसी नदीमा खसेको आशँकामा तिन दर्जन भन्दा बढि डुंगो प्रयोग गरि पुनः विहानैदेखि खोजि कार्यलाई थप तिब्र पारिएको छ । उहाँले खोजिकार्यमा ५ ओटा हेलिकप्टर समेत प्रयोग गरि चार सय भन्दा बढी सैनिक परिचालन गरिएको बताउनुभयो । स्थानीय वासिन्दाले सुनखानी गाविस वरपर ठुलो आवाज आएको जानकारी दिएपछि उक्त हेलिकप्टर खसेको आशँका गर्दै सेनाले नदीमा खोजिकार्य थालेको हो । हेलिकप्टरमा अमेरिकी मरिनका ६ र दुई नेपाली सैनिक छन् ।
