बैशाख ३१, एजेन्सी ।
ईटलीयन क्लब युभेन्टस, च्याम्पियन्स लिग फुटवलको फाईनलमा प्रवेश गरेको छ । स्पेनी क्लब रियल मड्रिडलाई समग्रमा ३–२ ले पराजित गर्दै युभेन्टस, १२ बर्षपछि च्याम्पियन्स लिग फुटवलको उपाधि नजिक पुगेको हो । उपाधिका लागि युभेन्टसले बार्सिलोनासँग ६ जुनमा बर्लिनमा प्रतिस्पर्धा गर्नेछ ।
सेमिफाईनलको दोस्रो लेगमा गएराती रियलले युभेन्टसलाई १–१ गोलको बराबरीमा रोकिएपनि हार भने टार्न सकेन । पहिलो लेगमा रियल २–१ ले पराजित भएको थियो ।
गएराती भएको खेलको २३ औं मिनेटमा पेनाल्टी मार्फत गोल गर्दै क्रिष्टियानो रोनाल्डोले रियललाई अग्रता दिलाएका थिए । तर ५७ औं मिनेटमा एल्भेरो मोर्ताजाले युभेन्टसका लागि गोल गरेपछि डिफेण्डिङ्ग च्याम्पियन रियल सेमिफाईनलमै रोकिन बाध्य भयो ।
