हरि शर्मा, नवलपरासी ।
पूर्वपश्चिम राजमार्ग अन्तर्गत नवलपरासीको सुनवलस्थित रमवापुरमा आज बिहान भएको सवारी दुर्घटनामा मृत्युहुनेको संख्या तीन पुगेको छ । दुर्घटनामा २४ जना घाईते भएका छन् । माईक्रोबस र ट्रिपर एकआपसमा ठोक्किदा माईक्रो बस चालक नवलपरासी बर्दघाट नगरपालिका–९ का ४० वर्षिय प्रदिप खनालको मृत्युभएको हो । अन्य दुईको सनाखत हुन सकेको छैन ।
घाईते मध्ये तीन जनाको अवस्था गंम्भिर रहेको सुनवल ट्राफिक प्रहरी चौकीका नायब प्रहरी निरीक्षक पुष्कर कार्कीले जानकारी दिनुभयो । घाईते सवैको लुम्बिनी अस्पतालमा उपचार भईरहेको छ ।
बर्दघाटबाट बुटवल जाँदै गरेको लु १ ख ३८७४ नम्बरको माईक्रोबस र विपरीत दिशामा रहेको लु १ ख ८४७५ नम्बरको ट्रिपर आपसमा जुधेका थिए ।
