बैशाख २९, एजेन्सी ।
च्याम्पियन्स लिग फुटबल अन्तरगत सेमिफाईनलको दोस्रो लेगमा आज बार्सिलोना र वायर्न म्युनिखबीच प्रतिस्पर्धा हुदैछ । खेल म्युनिखको होम ग्राउण्ड एलियान्ज एरिनामा स्थानीय समय अनुसार बेलुका पौने आठ बजे हुने छ । जर्मन च्याम्पियन्स म्युनिख पहिलो लेगमा बार्सासँग ३ ० ले पराजित भएको थियो । अन्तिम दुईमा स्थान बनाउन म्युनिखलाई कम्तीमा ४–० को जित आवश्यक छ भने बार्सालाई गोल गर्नबाट रोक्नु पर्नेछ । सन् २०११ पछि च्याम्पियन्स लिगको फाईनलमा पुग्न नसकेको बार्सा भने म्युनिखलाई कम्तीमा बराबरीमा रोक्ने दाउमा मैदान उत्रन लागेको छ ।
अर्काे सेमिफाईनलको दोस्रो लेगमा भने भोली रियल मड्रिड र युभेन्टसबीच प्रतिस्पर्धा हुनेछ । पहिलो लेगमा युभेन्टसको होम ग्राउण्डमा २–१ ले पराजित भएपछि रियल दवावमा छ ।
