आर्सनल स्वान्सीसँग पराजित

बैशाख २९, एजेन्सी ।
ईङ्लीस प्रेमियरसिप फुटवलको पछिल्लो खेलमा आर्सनल स्वान्सीसँग पराजित भएको छ । योसँगै जारी लिगमा आर्सनलको ११ खेल लामो अपराजित यात्रा समेत टुङ्गिएको छ । पराजय पछि आर्सनलले दोस्रो स्थानमा रहेको म्यानचेष्टर सिटीसँग अंक बराबरी गर्ने अवसर समेत गुमाएको छ । पराजयपछि पनि आर्सनल भने ७० अंकमा तेस्रो स्थानमा छ । स्वान्सी भने ५६ स्थानमा आठौं स्थानमा कायमै छ । पहिलो हाफ गोल रहित बराबरीमा सकिएपनि खेलको ८५ औं मिनेटमा बामेतिम्बी गोमिजले गोल गरेपछि आर्सनल पराजय ब्यहोर्न बाध्य भयो । ६८ प्रतिशत खेल आफ्नो नियन्त्रणमा राखेपनि आर्सन गोल फर्काउन भने सकेन ।

जारी सिजनका २ खेलमात्र बाँकी रहँदा चेल्सीले उपाधि जितिसकेको छ भने चेल्सीसँगै म्यानचेष्टर सिटी, आर्सनल र म्यानचेष्टर युनाईटेडले च्याम्पियन्स लिगमा स्थान पक्का गरिसकेका छन् । पाँचौ स्थानमा रहेको लिभरपुल भने च्याम्पियन्स लिगबाट बाहिरिसकेको छ ।