पुरुषको शव फेला

क्रान्ति साह, वीरगञ्ज ।
पर्साको बागवाना गाविस नजिक रहेको कोइलाभार जंगलमा आज बिहान एक पुरुषको शव फेला परेको छ । सोनवर्षा ८ का  ३१ वर्षिय लालबाबु गौरोको शव बोरामा पोका पारेर जंगलमा फालिएको अवस्थामा भेटिएको हो । दाउरा खोज्न जंगल गएका स्थानीयले बोरामा शव देखेपछि प्रहरीलाई खबर गरेका थिए ।

बागवाना गाविसको मनवामा रहेको ससुराली गएका उनी गत बैशाख २१ गते देखि घरपरिवारको सम्पर्कमा आएका थिएनन् । गौरोको हत्या भएको आशंकामा अनुसन्धान सुरु भएको प्रहरीले जनाएको छ । गौरोको ना २७ प ७३९५ नम्बरको मोटरसाइकल भने बैशाख २२ गते बागवानामै रहेको कोइलाभार मन्दिर नजिक फेला परेको थियो ।