बैशाख २८, एजेन्सी ।
उपाधि विजेता चेल्सी, ईङ्लीस प्रेमियरसिप फृुटवलमा गएराती लिभरपुलसँग बराबरीमा रोकिएको छ । खेलको पाँचौ मिनेटमा जोन टेरीको गोलबाट अग्रता लिएपनि जोगाउन नसक्दा चेल्सी १–१ गोलको बराबरीमा रोकिएको हो । पहिलो हाफको अन्तिम मिनेटमा स्टेफन जेरार्डले गोल गर्दै लिभरपुलको हार टारेका थिए । बराबरी पछि च्याम्पियन्स लिगमा छनौट हुने लिभरपुलको सम्भावना भने कायमै छ । लिभरपुल ६२ अंकमा पांचौ स्थानमा कायम छ भने शीर्ष स्थानको चेल्सीको ८४ अंक भएको छ ।
गएराती नै भएको अर्को खेलमा सर्जियो एग्युरोले ह्याट्रिक गरेपछि म्यानचेष्टर सिटीले QPR लाई ६–० ले पराजित गरेको छ । जित पछि सिटी ७३ अंकमा तालिकाको दोस्रो स्थानमा कायम छ । हारपछि QPR भने रेलिगेशनमा परेको छ । जारी लिगमा २ खेलमात्र बाँकी रहँदा QPR २७ अंकमा तालिकाको पुछारमा छ । १९ औं स्थानमा रहेको बर्नली यसअघि नै रेलिगेशनमा परिसकेको छ भने रेलिगेशन जोनमा रहेको हल सिटीको भने प्रेमियरसिपमै रहने सम्भावना कामयै छ ।
