उदय जीएम, दाङ । प्युठानमा आज विहान भएको कार दुर्घटनामा परी एकै परिवारका ३ जनाको मृत्यु भएको छ । प्यूठानको स्वर्गद्वारीमा पूजाअर्चना गरेर फर्किदा ११ च १०५३ नम्बरको कार तिराम– ४ थक्लेनीबाट माडीखोलामा खस्दा दाङको लालमटिया– ४ का एकै परिवारका ३ जनाको मृत्यु भएको हो ।
दुर्घटनामा मृत्यु हुनेमा ६५ वर्षीय कृष्ण गैरे, ६० वर्षीया तिला गैरे र ४० वर्षीय रुकेश गैरे रहेको जिल्लाप्रहरी कार्यालय प्यूठानका प्रमुख तुलबहादुर कार्कीले जानकारी दिनुभयो ।
दुईजनाको घटनास्थलमै र तिलालाई उपचारका लागि प्यूठान जिल्ला अस्पताल लैजाने क्रममा बाटोमै मृत्यु भएको प्रहरीले जनाएको छ ।
