राजविराज, २७ वैशाख : सप्तरीको शम्भुनाथमा कुदिरहेको मोटरसाइकलबाट खसेर एक महिलाको ज्यान गएको छ । शम्भुनाथ ७ स्थित पूर्व–पश्चिम लोकमार्गमा अचानक मोटरसाइकलमा ब्रेक लगाउँदा शनिबार उछिट्टिएर पछाडि सवार जनकपुर ८ की ४४ वर्षीया मालतीदेवी सिंहको मृत्यु भएको हो ।
पूर्वबाट पश्चिम जाँदै गरेको ज.६प ७१०६ नम्बरको मोटरसाइकल चालक ५५ वर्षीय राजकुमार सिंहले अचानक ब्रेक लगाउँदा मोटरसाइकलबाट उछिट्टिएर गम्भिर घाइते भएकी उनकी श्रीमति मालतीको मृत्यु भएको सप्तरी प्रहरीले जनाएको छ । घाइते मालतीको उपचारका क्रममा नकटी रायपुरस्थित युनिक अस्पतालमा मृत्यु भएको अस्पतालले जनाएको छ ।
