बैशाख २७, एजेन्सी ।
ईङ्लीस प्रेमियरसिप फुटवलमा आज राती उपाधि विजेता चेल्सी र लिभरपुलबीच प्रतिस्पर्धा हुदैछ । ८३ अंकमा शीर्ष स्थानमा रहेको ब्लुजले ३ खेल बाँकी हुदै उपाधि जितिसकेकाले आजको नजिताले असर नपार्ने भएपनि लिभरपुलका लागि महत्वपूर्ण रहनेछ । जारी सिजनमा आफ्नो तीन खेल बाँकी रहँदा लिभरपुल उत्कृष्ट चारमा आफ्नो स्थान बनाउने दाउमा छ । ६१ अंकमा तालिकाको पाँचौ स्थानमा रहेको लिभरपुल छैठौं स्थानमा रहेको टटानहामभन्दा मात्र ३ अंकले अगाडि छ ।
यस्तै आजै हुने अर्को खेलमा म्यानचेष्टर सिटी र त्तएच् बीच प्रतिस्पर्धा हुनेछ । सिटी ७० अंकमा दोस्रो स्थानमा छ भने २७ अंकमा तालिकाको पुछारमा रहेको त्तएच् को रेलिगेशनबाट बच्ने गणीतिय सम्भावनामात्र बाँकी छ ।
लिग अन्तरगत गएराती भएका खेलमा म्यानेचेष्टर युनाईटेड, साउथ हेप्टन, एष्टनभिल्ला, बर्नली, लिसेष्टर र स्टक सिटी विजयी भएका छन् भने न्युकासल र वेष्टब्रोमले १–१ गोलको बराबरी खेल्दै अंक बाडेका छन् ।
