बैशाख २७, एजेन्सी ।
मड्रिड मास्टर्स टेनिकसको उपाधिका लागि राफेल नाडाल र एण्डी मुरेबीच प्रतिस्पर्धा हुने भएको छ । स्पेनी नाडाल चेकरिपब्लिकका थोमस बर्डिचलाई र बेलायती मुरे जापानका केई निसिकोरीलाई पराजित गर्दै उपाधि नजिक पुगेका हुन् ।
क्ले कोर्टका बादशाह नाडालले छैठौ बरियाताका बर्डिचलाई ७–६ र ६–१ ले पराजित गरे । यस्तै बेलायती नम्बर वन मुरेले चौथौं बरियाताका निसिकोरीमाथि ६–३ र ६–४ को सहज जीत निकाले ।
