बैशाख २७, एजेन्सी ।
इण्डियन प्रिमियर लिग क्रिकेट आइपिएलको पछिल्लो खेलमा विजयी हुँदै कोलकात्ता नाईट राईडर्स तालिकाको शीर्ष स्थानमा उक्लिएको छ । गएराती नै भएको अर्को खेलमा सनराईजर्स हैदरावाद विजयी भयो ।
किंग्स इलावेन पञ्जावमाथि ए विकेटको रोमाञ्चक जित निकाल्दै १५ अंकमा कोलकता शीर्ष स्थानमा उक्लिएको हो । पञ्जाव भने ४ अंकमा पुछारमा कायमै छ । इडेन गार्डेन मैदानमा टस जितेर व्याटिङ रोजेको पञ्जावले ग्लेन म्याक्सवेलको सर्वाधिक ४३ रनको योगदानमा १ सय ८३ रनको स्कोर खडा गरेको थियो । मनन मोहरा ३९ रन ,ऋधीमान साहा ३३ रन तथा मुरली विजय २७ रनको योगदान गरे । त्यस्तै डेविड एन्ड्रयु मिलरले अविविजत २७ रन जोडे । उसले निर्धारित बीस ओभरको खेलमा पाँच विकेट गुमाउँदै १ सय ८३ रनको स्कोर बनाएको थियो ।
१ सय ८४ रनको विजयी लक्ष्यसहित जवाफी व्याटिङमा उत्रिएको कोलकताले आन्द्रे रुसेलको अर्ध शतकको मद्दतमा १ बल बाँकी छँदा निर्धारित लक्ष्य भेटायो ।सुरुवाती प्रदर्शन खासै उत्कृष्ट नएपनि कोलकताका लागि रोविन उथप्पा र गौतम गांभीरले १७ र २४ रनको योगदान दिए । आखीÞरी ओभरमा ८ रनको आवश्यकता रहेको समयमा पियुश चावलाले १८ रन जोड्दै टोलीलाई विजयी बनाए ।
त्यस्तै गए राति नै भएको अर्काे खेलमा सन राइजर्स हैदरावादले देल्ली डेर डेभिल्सलाई ६ रनले पराजित ग¥यो । जितपछि हैदरावाद १२ अंकमा चौथो स्थानमा उक्लिएको छ भने देल्ली ८ अंकमा सातौं स्थानमा चिप्लिएको छ । सहिद वीर नारायण खेल मैदान राइपुरमा भएको खेलमा मोएसिस हेन्रीकको अविजित ७४ रनको मदतमा सनराईजर्सले देल्लीलाई हराएको हो । १ सय ६४ रनको विजयी लक्ष्यका साथ जवाफी व्याटिङ गरेको देल्ली निर्धारित ओभरमा ४ विकेट गुमाउँदै १ सय ५७ रनमा समेटिँदा हैदरावादसँग हार वेहोरेको हो ।
लिगमा आज मुम्बई इण्डियन्सका विरुद्ध रोयल च्यालेन्जर्स बैँंग्लोर र चेन्नेइ सुपर किंग्ससँग राजस्थान रोयल्स भिड्ने छन ।
