बैशाख २५, एजेन्सी ।
पाकिस्तान बिरुद्धको दोस्रो टेष्ट क्रिकेटको पहिलो ईनिङ्गस्मा बंगलादेश ३ सय ५४ रनले पछि परेको छ । ५ विकेटको क्षतिमा १ सय ७ रनबाट आज तेस्रो दिनको खेल थालेको बंगलादेश थप ९६ रन जोड्दै २ सय ३ रनमा समेटिएको थियो । सकिब अल हसनले नटआउट ८९ रन जोडेपनि अन्य ब्याट्सम्यान क्रिजमा जम्न नसक्दा बंगलादेश सस्तैमा समेटिएको हो । बंगलादेशको ईनिङ्गस् ध्वस्त बनाउन वाहब रियाज र यासिर साहले समान ३ तथा जुनईद खानले २ विकेट लिए ।
यसैबीच आजै आफ्नो दोस्रो ईनिङ्गस् थालेको पाकिस्तानले खराव सुरुवात गरेको छ । ओपनर मोहमद हाफिज शुन्य रनमा आउट भएका छन् ।
यसअघि ३ विकेटको क्षतिमा ३ सय २३ रनबाट दोस्रो दिनको खेल थालेको पाकिस्तानले ८ विकेटको क्षतिमा ५ सय ५७ रनमा पहिलो ईनिङ्गु् डिक्लियर गरेको थियो । अजहर अलीले २ सय २६, युनिस खानले १ सय ४८ र असद सफिकले १ सय ७ रन जोडेपछि पाकिस्तान उच्च योगफल तयार पार्न सफल भयो ।
२ म्याचको सिरिजको पहिलो खेल भने बराबरीमा सकिएको थियो ।
