बैशाख २५, एजेन्सी ।
पाकिस्तान बिरुद्धको दोस्रो टेष्ट क्रिकेटमा फलोअनबाट जोगिन बंगलादेश संघर्ष गरिरहेको छ । दोस्रो दिनको खेलको समाप्तिमा ५ विकेट गुमाई १ सय ७ रनमात्र जोडेपछि फलोअनमा पर्ने बंगलादेशको सम्भावना बलियो बनेको हो । बंगलादेश अझै ४ सय ५० रनले पछि छ र ऊसँग ५ विकेट मात्र बाँकी छ । ईमरुल काएल्स ३२ र महमुदुल्लाह २८ रनमा आउट भए । जुनईद खान र यासिर साहले समान २ तथा वाहब रियाजले एक विकेट लिएपछि बंगलादेशी ईनिङ्गस् संकटमा परेको हो ।
यसअघि ३ विकेटको क्षतिमा ३ सय २३ रनबाट दोस्रो दिनको खेल थालेको पाकिस्तानले ८ विकेटको क्षतिमा ५ सय ५७ रनमा पहिलो ईनिङ्गु् डिक्लियर गरेको थियो । अजहर अलीले २ सय २६, युनिस खानले १ सय ४८ र असद सफिकले १ सय ७ रन जोडेपछि पाकिस्तान उच्च योगफल तयार पार्न सफल भयो ।
२ म्याचको सिरिजको पहिलो खेल भने बराबरीमा सकिएको थियो ।
